CCIX MUḤEND ULḤUSIN AMUSNAW

Ɛevdennuṛ ƐEVDSLAM deg-wadlis id-yura i wumi yeqqar : CCIX MUḤEND ULḤUSIN AMUSNAW neɣ LA RENAISSANCE DE LA PENSÉE KABYLE, yerna yesquceḍ-ed ssya we ssya ɣef ayen i d-yura Da Lmulud deg-wadlis mi ysema: YENNA-D CCIX MUḤEND.

Dɣa ma nneddmed timlit gar Ccix Muḥend Ulḥusin d Ccix Aḥddad. Timlilit agi gar sin imusnawen imeqqṛannen mussannet, teqim-ed di cfawet n yemdannen, acku amjaddel yellan gar-asen s umaεn, nnezmer a d-nnini Ţaqvaylit!

Ccix Muḥend yeţţiki di Ṭaṛiqa Ṛeḥmanya, imḍebbaṛ ɣef tmnaṭ igawawen n Ṭaṛiqa di tegwniţ-nni, d Sidi Ḥend Umejvaṛ. Umaεna imdannen ţṛuḥ-un s waṭas ar Ccix Muḥend. Dayen yeǧǧan Sidi Ḥend Umejvaṛ ur d-ijemaε ara aṭas n laεccuṛ. Dɣa Ccix Aheddad icegεed i Ccix Muḥend a d-iṛuḥ ar ɣur-s ar Sedduq.

Iṛuḥ Ccix Muḥend yebbwi yid-s Waεva Axuni yenes. Mi bbwḍen, Ccix Aheddad ur t ni d-immugger-ara akken i g-laq. Awal amezwaru kan yenna-yas :

--Anwa ik yefkan lmitaq a ţemeslayeḍ s yisem n Ṭaṛiqa?

Ccix Muḥend mussan s wurfan-is. Dɣa yara-yas s wurfan :

--D Ṛebbi!

Ccix Aḥeddad ur yuṛǧǧa-ra tirirrit am tagi. Ccix Muḥend yeţkkufut deg-wurfan, Waεva la yeţebbi deg-s i wakken a d-yesenɣes cwiṭ, neţţa yernna-yas :

--Dɣa aḥeq amkan-ya

d-ar d-ččeɣ ayen ur yi nehwa-ra

d-ar d-inniɣ ayen iyi hwan!

Ccix Aḥeddad tuɣit tjenniwt ula d neţţa, yuɣal ur yeţwaεqal ara, dɣa yenna-yas :

--Muḥ At Lḥusin d azyar

yeţţak lwaṛad ur ičawaṛ

Awal n Ṛebbi ur t-yeqqar

ula d lqed ur yennejbar!

Ccix Muḥend yerna deg-wurfan, dɣa mi t-id iluqev s lqedd-is mecṭṭuḥ-en, yarr-yas :

--Muḥ At Lḥusin

simmal yeţissin

Ṛebbi d aḥnin

ur ixeddem di tnemmirin!

Yuɣal yezzi ar ixuniyen-nni n Ccix Aḥddad, yenna-yasen :

--Bu tɣuṛi yeţfessir

Bu ṛṛay yesnulfuy!

Yerna yenna-yasen ɣef-lqed-is imi i t-id iεuyaṛ yis Ccix Aḥeddad :

--Wi bɣan ad yuzur yiṛqiq

wi bɣan ad yesegem yilqiq

ma d lqed ǧǧiɣ-t i wufal...

Ccix Aḥddad ula d neţţa s-kufṛent wurfan, dɣa yerr-yas-d :

--Muḥ At Lḥusin

lqwṛan ur t-yessin

ur iḥezzeb i texxamin

asm'ara s-uɣalent tmedlin!

Ccix Muḥend yerra-yas :

--Tezwar-ed teqbaylit leqwṛan

a Ṛebbi wer neggan uḍan

menε-aɣ seg urfan

tekkseḍ fellaɣ iɣweblan!

Annect-akka yeḍṛan gar sin imeqṛanen agi, Ccix Aḥddad warǧin i s-yenna i Ccix Muḥend a ţefɣeḍ di Taṛiqa.

Ɛvdnnuṛ yerna-d kra n wawalen i d-yura

Amar Naït Messaoud

di la Dépêche de Kabylie : " L'approche que Mammeri a faite du personnage du saint homme est d'une étonnante originalité. Il en donne une image séculaire laïc." Diɣen yerna-d asteqsi n Farida Ait Oufroukh deg-wadlis i tura ɣef Ccix Muḥend : " Est-ce la figure de sainteté qui provoque ainsi attrait ou bien est-ce quelque chose qui est sous-jacent et qui passe à travers les rets de la religion."

Adlis agi i g-ura Ɛevnnur ɣef Ccix Muḥend, d nek i s-yuran tazwert (préface), yuklal a ţarrem lwelha-nwen a teɣṛem.

Partager